बझाङमा जीप दुर्घटना हुँदा ९ को मृत्यु, ४ घाइते
काठमाडौं, २ असार । बझाङमा भएको जीप दुर्घटनामा ९ जनाको मृत्यु भएको छ । उक्त दुर्घटनामा परि ४ जना गम्भीर घाइते भएका छन् ।
सदरमुकाम चैनपुर नजिकै रहेको डुङ्रीबाट मष्टा गाँउपालिका जाँदै गरेको स १ ज १०७२ नम्बरको जीप डौठी भन्ने ठाँउमा दुर्घटना भएको जिल्ला प्रहरी कार्यालय बझाङका प्रहरी जवान राजेन्द्रबहादुर श्रेष्ठले जानकारी दिएका छन् । उक्त दुर्घटना २ः१५ बजे सदरमुकामबाट पन्ध्र किलोमिटर टाढा भएको हो ।
जीप सडकबाट ४ सय मिटर तल अप्ठ्यारो ठाँउमा खसेको र मानिस जान नसक्ने भएकाले उद्दारमा कठिनाई भइरहेकोे जनाएको छ । दुर्घटनामा परी मृत्यु हुनेहरुको अहिलेसम्म सनाखत हुन सकेको छैन ।
