सेयर बजार ८.२७ अंकले घटेको दिन ६७ करोड बढीको कारोबार
काठमाडौं, १९ असार । साताको अन्तिम कारोबार दिन बिहीबार (आज) सेयर बजारमा गिरावट आएको छ । नेपाल स्टक एक्सचेन्ज (नेप्से) मा गिरावट आएपनि कारोबार रकममा भने बृद्धि भएको छ ।
हिजो ५५ करोड २ लाख रुपैयाँभन्दा बढीको सेयर कारोबार भएकोमा आज ६७ करोड १ लाख रुपैयाँभन्दा बढीको सेयर कारोबार भएको हो । आज नेप्से ८.२७ अंकले गिरावट आई १२६०.४७ बिन्दुमा रोकिएको छ ।
त्यस्तै १ सय ७७ कम्पनीको ८९ लाख ८५ हजार ३ सय ५३ कित्ता सेयर खरिद–विक्री भएको छ । सबैभन्दा बढी सेयर कारोबार सिद्धार्थ ईक्विटी ओरिन्टेड स्किमको भएको छ । उक्त स्किमको ५ करोड ५२ लाख रुपैयाँभन्दा बढी सेयर कारोबार भएको छ ।
त्यस्तै सबैभन्दा बढी कमाउनेमा सुर्याेदय लघुवित्त वित्तीय संस्था लिमिटेडका सेयरधनीहरु रहेका छन् । उक्त वित्तीय संस्थाको प्रतिसेयर मूल्य ९.९९ प्रतिशतले बढेको छ । युनियन हाइड्रोपावर लिमिटेडका सेयरधनीहरुले सबैभन्दा बढी गुमाएका छन् । उक्त हाइड्रोपावरको प्रतिसेयर मूल्यमा ६.५५७३८ प्रतिशतले गिरावट आएको छ ।
