गुम्यो टी-२० विश्वकप खेल्ने नेपालको मौका
काठमाडौं,१२ साउन । नेपालले सन् २०२० मा अस्ट्रेलियामा हुने टी-२० विश्वकप खेल्ने मौका गुमाएको छ । सिङ्गापुरमा भएको आइसीसी विश्वकप टी -२० एसिया छनोट अन्तर्गत अन्तिम खेलमा आयोजन राष्ट्र सिङ्गापुरले नेपाललाई ८३ रनले पराजित गरेसँगै विश्व कप खेल्ने मौका गुमेको हो ।
जितसँगै सिङ्गापुर दुई महिनापछि संयुक्त अरब इमिरेट्स यूएईमा आयोजना हुने टी-२० विश्वकपको ग्लोबल क्वालिफायरमा प्रवेश गरेको छ। नेपालले आक्रामक शुरूवात गरेपनि ब्याटिङ स्तरीय हुन नसक्दा पराजय भोगेको हो। विश्व वरीयतामा एघारौँ स्थानमा रहेको नेपालले कमजोर प्रदर्शनका कारण विश्वकप खेल्ने मौका चुकेको हो ।
