अजोड इन्स्योरेन्सको सेयर निष्काशन तथा बिक्री प्रबन्धकमा एनआईबिएल क्यापिटल नियुक्त
काठमाडौं, २८ असोज । अजोड इन्स्योरेन्स लिमिटेडले साधारण सेयर निष्काशन गर्न एनआईबिएल एस क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ । अजोडले ३० लाख कित्ता सेयर प्रति शेयर एक सय रुपैयाँ अंकित दरले साधारण सेयर सर्वसाधारणमा निष्काशन गर्न एनआईबिएललाई निष्काशन तथा बिक्री प्रबन्धकमा नियुक्त गरेको हो ।
सो सेयर निष्काशन सम्बन्धी सम्झौतापत्रमा अजोडका नायव प्रमुख कार्यकारी अधिकृत सुरेन्द्र थापा र एनआईबिएलका नायव प्रमुख कार्यकारी अधिकृत मेख बहादुर थापाले हस्ताक्षर गरेका छन् । हाल अजोडको अधिकृत पूँजी एक अर्व रुपैयाँ, जारी पूँज एक अर्व रुपैयाँ र चुक्ता पूँजी ७० करोड रुपैयाँ रहेको कम्पनीले जनाएको छ । त्यस्तै सर्वसाधारणलाई शेयर निष्काशन गरी बाँडफाँट गरे पश्चात कम्पनीको चुक्ता पूँजी एक अर्व रुपैयाँ हुने छ ।
