एनआरएन भन्छन्ः नेपालमा लगानीको असुरक्षाले स्वदेश फर्कन सक्ने अवस्था रहेन

काठमाडौं, ३० असोज । गैर आवासीय नेपाली संघ(एनआरएनए)को ९ औं विश्व सम्मेलन काठमाडौंमा चलिरहेको छ । २८ गतेदेखि सुरु भएको सम्मेलन एनआरएनएको नेतृत्व चयन गर्दै आज सम्पन्न हुने छ । उक्त सम्मेलनमा भाग लिन ८१ देशबाट २५ सय गैर आवसीय नेपाली (एनआरएन)का प्रतिनिधिहरु काठमाडौंमा आएका छन् ।

उनीहरुलाई आफ्नो देश फर्कंदा स्वर्गमा गए जस्तै लाग्छ । सायद विदेशको दिन रातको काम र आफ्नो व्यवसायमा गर्नु परेको मेहनतले होला । उनीहरु नेपाल विश्वको एक सुन्दर देश हो भन्छन् । त्यै पनि उनीहरु आफ्नो परिवारसँगै विदेशमा वस्न बाध्य छन् । कतिपयले यहाँको राजनीतिक खेल र भद्रगोल कानुनी व्यवस्थाको कारण आफूहरु विदेशिन बाध्य भएको बताउछन् ।

लगानी सुरक्षित हुनेमा विश्वस्त छैनौं
करिव २० वर्ष देखि अष्ट्रेलिया बस्दै आएका मणिरत्न सापकोटाको पुखौली घर गुल्मी हो । एनआरएनहरुलाई नेपाल फर्केर आउन मन लागेपनि नेपालमा लगानीको वातावरण नभएकाले असुरक्षित महसुस गरेको सापकोटाले बताए । नेपाल पहिलेको तुलनामा केही फरक भएपनि विदेशीहरुलाई अझै लगानी गर्ने वातावरण नबनेको उनले बताए । उनी भन्छन्–‘विदेश गएका नेपालीहरुलाई नेपाल फर्कने मन हुन्छ । तर, विदेशमा कमाएर ल्याएको धन नेपालमा लगानी गर्न अझै पनि असुरक्षित महसुस सबैलाई भएको छ । त्यसैले उनीहरुमा नेपाल फर्कने इच्छा हुँदैन् ।’ विदेशमा बस्ने सबै नेपालीहरुलाई नेपालको मायाँ लाग्ने गरेपनि सरकारको भद्रगोल नीतिको कारण विदेशमा कमाएको धन नेपालमा ल्याएर लगानी गर्ने वातावरण नभएको उनको बुझाई छ ।

त्यस्तै पुखौली घर बागलुङ भएका राम खड्का १४ वर्षदेखि बेलायतमा व्यवसाय गर्दै आएका छन् । उनी त्यहाँ होटेल व्यवसाय गर्छन् । उनको पनि नेपाल प्रतिको बुझाई सापकोटा कै जस्तो छ । उनले १४ वर्ष अगाडीको नेपाल र अहिलेको नेपालमा केही फरक पाएका छैनन् । नेपाल फर्कने मन भएपनि यहाँको शासन व्यवस्थाले गर्दा फर्केर आउँन नसकेको उनी बताउँछन् । उनी भन्छन्–‘नेपाली जुन सुकै देशमा गएर एनआरएन भएको भएपनि उसलाई नेपाल प्रतिको मायाँ छ । यहाँ हामी बसेको देशको जस्तो सुरक्षा हुने हो भने अर्काको देशमा दुःख गर्ने रहर कसैलाई हुने थिएन होला । नेपालमा सिष्टमको विकास हुन सकेन् ।’

त्यसैगरी अर्का एनआरएन होमनाथ शर्मा पनि देशमा लगानीको सुरक्षा नभएको बताउँछन् । विदेशमा बस्ने सबैले नेपालको मायाँ गरेपनि याहाँ लगानीको सुरक्षा नहुने महसुसले विदेशी भूमिमा लगानी गर्न बाध्य भएको उनी बताउँछन् । युएईमा ट्राभल सम्बन्धी व्यवसाय गर्दै आएका फडिन्द्र ढकाल सरकारले एनआरएनहरुको लगानीलाई प्रोत्साहन नगरेको बताए ।

 

 

Leave a Reply

Your email address will not be published. Required fields are marked *