आईपिओका लागि २९ कम्पनीले दिए बोर्डमा निवेदन, १९ अर्बको आईपिओ आउँदै

काठमाडौं, ५ कात्तिक । नेपाल धितोपत्र बोर्डमा २९ कम्पनीहरुले साधारण सेयर (आईपीओ) जारी गर्न आवेदन दिएका छन् । पूर्वाधार बैंक, बिमा कम्पनी, जलविद्युत कम्पनी, मर्चेन्ट बैंकर र सेवा क्षेत्रका कम्पनीहरुले आईपिओका लागि आवेदन दिएका हुन् । बोर्डका अनुसार कम्पनीहरुले १९ अर्ब रुपैयाँ बराबरको आईपीओ निष्कासन गर्ने भएका छन् ।

नेपाल इन्फास्ट्रक्चर बैंकले ८ अर्ब रुपैयाँ बराबरको ८ करोड कित्ता आईपिओ जारी गर्न बोर्डमा निवेदन दिएको छ । नेपाल पुनर्बीमाले १ अर्ब ६० करोड रुपैयाँ बराबरको १ करोड ६० लाख कित्ता आईपीओ निष्कासन गर्ने निवेदन दिएको छ । सीआईबीएल क्यापिटलले ३ करोड रुपैयाँ बराबरको ३ लाख कित्ता आईपिओ जारी गर्न निवेदन दिएको हो ।

चन्द्रागिरी हिल्सले १० करोड, डिसहोम मिडियाले २० करोड, अजोड इन्स्योरेन्स, सानिमा जनरल इन्स्योरेन्स, जनरल इन्स्योरेन्स कम्पनीले ९० करोड रुपैयाँ बराबरको आईपिओ निष्काशनको तयारी गरेका छन् ।

त्यस्तै, ज्योति लाइफ, सन नेपाल लाइफ, रिलायन्स, रिलायवल, आईएमई, सानिमा, प्रभु लाइफ, महालक्ष्मी लाइफ, युनियन लाइफ र सिटिजन्स लाइफ इन्स्योरेन्स कम्पनीले ६ अर्ब २८ करोड ५० लाख रुपैयाँ बराबरको ६ करोड २८ लाख ५० हजार कित्ता आईपीओ निष्कासन गर्न लागेका हुन ।

 

 

Leave a Reply

Your email address will not be published. Required fields are marked *