नेको इन्स्योरेन्स हकप्रदको बुक क्लोज माघ ९ गते
काठमाडौं, २ माघ । नेको इन्स्योरेन्स कम्पनीले हकप्रद शेयर निष्कासन गर्न भएपछि शेयर दर्ता किताव बन्द गर्ने भएको छ । कम्पनीको शेयर दर्ता किताव माघ ९ गते हुने भएको छ । शेयरधनीहरुले कम्पनीको शेयर माघ ८ गतेसम्म खरिद गरेमा कम्पनीले जारी गर्ने हकप्रद शेयरको हकदार बन्ने छन् ।
नेको इन्स्योरेन्सले २ बराबर १ अर्थात ५० प्रतिशत हकप्रद शेयर निष्कासनको स्विकृति पाएको हो । कम्पनीले ३९ लाख २० हजार ९२८.११ कित्ता हकप्रद शेयर निष्कासन गर्ने भएको छ । कम्पनीले निष्कासन गर्न लागेको हकप्रद शेयरको अंकित मुल्य एक सय रुपैयाँ रहेको छ ।
कम्पनीको गत असोजमा सम्पन्न २२औं वार्षिक साधारण सभाले शेयरधनीहरुलाई १० प्रतिशत बोनस शेयरसंगै ५० प्रतिशत हकप्रद शेयर निष्कासनको प्रस्तावलाई पारित गरेको थियो । सोहि अनुरुप कम्पनीले हकप्रद शेयर निष्कासन गर्ने भएको हो । १० प्रतिशत बोनस र ५० प्रतिशत हकप्रद शयेर निष्कासन पछि कम्पनीको चुक्ता पुँजी १ अर्ब १७ करोड रुपैयाँ पुग्ने छ । हाल कम्पनीको चुक्ता पुँजी ७१ करोठ २८ लाख रुपैयाँ रहेको छ ।
कम्पनीले हकप्रद शेयर निष्कासनको लागि बिक्री प्रबन्धकमा एनएमवि क्यापिटललाई नियुक्त गरेको छ ।
