साताको अन्तिम दिन नेप्से परिसूचक बढेसँगै कारोबार रकममा पनि सुधार

काठमाडौं, २४ पुस । साताको अन्तिम कारोबार दिन बिहीबार (आज) नेप्से परिसूचक वृद्धि भएसँगै कारोबार रकममा पनि सुधार आएको छ । बुधबार ७३ करोड २१ लाख रुपैयाँ कारोबार भएकोमा आज ९ करोड रुपैयाँ वृद्धि भएको हो ।

एक सय ७७ कम्पनीको ३८ लाख ८ हजार ७ सय ८५ कित्ता सेयर ८२ करोड ३४ लाख रुपैयाँमा खरिद–विक्री भएको छ । आज नेप्से परिसूचक ३.५१ अंकले वृद्धि भई १२१३.११ विन्दुमा रोकिएको हो । सबैभन्दा बढी सेयर कारोबार सिभिल बैंक लिमिटेड प्रोमोटर सेयरको र गरिमा विकास लघुवित्त वित्तीय संस्थाको भएको छ । सिभिल बैंक लिमिटेड प्रोमोटर सेयरको २० करोड १८ लाख रुपैयाँभन्दा बढीको सेयर कारोेबार भएको छ भने गरिमा विकास लघुवित्तको २ करोड ३६ लाख रुपैयाँभन्दा बढीको सेयर कारोबार भएको हो ।

कारोबारमा आएका १२ समूहमध्ये ५ समूहको परिसूचकमा वृद्धि भएको छ भने बाँकी ७ समूहको परिसूचकमा गिरावट आएको छ । सबैभन्दा बढी परिसूचक वृद्धि हुनेमा माइक्रोफाईनान्स समूह ३.४९ प्रतिशत रहेको छ । त्यस्तै आज सबैभन्दा बढी उत्पादन समूहको ०.४४ प्रतिशतले परिसूचकमा गिरावट आएको छ ।

Leave a Reply

Your email address will not be published. Required fields are marked *