मुक्तिनाथ विकास बैंकद्वारा राहत वितरण
काठमाडौं, २३ चैत । सरकारले लागु गरेको देशब्यापी लकडाउनको कारणबाट प्रभावित विपन्न तथा दैनिक ज्यालादारीमा काम गर्नेहरुलाई मुक्तिनाथ विकास बैंकले राहत वितरण गरेको छ । बैंकले संस्थागत सामाजिक उत्तरदायित्वअन्र्तगत जनकपुरधाममा एक कार्यक्रमका आयोजना गरी आज राहत सामाग्री वितरण गरेको हो । उक्त स्थानका विपन्न परिवारका १ सय ५० जनालाई चामल, दाल, आलु, प्याज, तेल, सोयाबडी, साबुन लगायतका सामाग्री वितरण गरिएको बैंकले प्रेस विज्ञप्तिमार्फत जानकारी दिएको छ ।
बैंकले हाल ४२ जिल्लामा १ सय ३४ वटा शाखाहरुमार्फत सेवा दिँदै आएको छ ।
