एकै दिन थपिए २८८ कोरोना संक्रमित, कुल संक्रमित २१ सय नजिक

काठमाडौं, २० जेठ । मंगलवार एकै दिन थप २८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले आयोजना गरेको नियमित ब्रिफिङका क्रममा उक्त जानकारी दिइएको हो । मन्त्रालयका अनुसार नयाँ संक्रमित मध्ये २७० जना पुरुष र १८ जना महिला रहेका छन् । यससँगै नेपालमा कुल संक्रमितको संख्या २०९९ पुगेको छ । यसमध्ये २६६ जना उपचारपछि घर फर्किएका छन् भने ८ जनाको मृत्यु भएको छ ।