एआईआईबीको बोर्ड अफ गभर्नर्स बैठक सम्पन्न, सहुलियतपूर्ण सहायता बढाउन अर्थमन्त्री खतिवडाको आग्रह

काठमाडौं, १४ साउन । एशियाली पूर्वाधार लगानी बैंक –एआईआईबी)को बोर्ड अफ गभर्नर्सको मंगलवार सम्पन्न भएको छ । भर्चुअल माध्यमबाट भएको उक्त बैठकमा नेपालको तर्फबाट सहभागी हुँदै अर्थमन्त्री डा. युवराज खतिवडाले नेपालजस्ता देशका लागि एआईआईबीको सहुलियतपूर्ण सहायताको खाँचो औंल्याउँदै आर्थिकरूपमा उपयुक्त देखिएका आयोजनामा लगानी गर्न आग्रह गरेका छन् ।
दीर्घकालीन आयोजनाको विकास एवं दिगो विकास लक्ष्य हासिल गर्न एआईआईबी जस्ता निकायको सहयोग महत्वपूर्ण हुने भन्दै उनले पूर्वाधार तथा लगानी न्यून भएका क्षेत्रमा प्राथमिकता दिन आग्रह गरेका हुन् । न्यून मध्यम आय भएका नेपाल जस्ता मुलुकलाई विभिन्न लक्ष्य हासिल गर्न सहयोग बढाउनुपर्नेमा पनि उनले जोड दिएका छन् । एआइआइबीको वार्षिक बैठकको उद्घाटन चिनियाँ राष्ट्रपति सि चिनफिङले गरेका थिए ।