आज शेयर कारोबार ११ः४५ बाट हुने
काठमाडौं, २१ साउन । आजको शेयर कारोबार नियमित समय तालिका अनुसार नभएर ११ः४५ देखि हुने भएको छ । नेपाल स्टक एक्सचेञ्ज (नेप्से) ले नेटवर्किङ प्रणालीमा आएको समस्याका कारण नियमति समयमा कारोबार हुन नसकेको जानकारी दिएको हो ।
नेप्सेका प्रवक्ता मुराहरी पराजुलीले प्रणालीमा देखिएको समस्या सुल्झाउने काम भइसकेको र ११ः४५ बाट बजार खुल्ने अर्थको अर्थलाई जानकारी दिए । नेप्सेले नेटवर्किङ प्रणालीमा आएको समस्याका कारण आज नियमित समयका कारोबार नहुने भन्दै सूचना जारी गरेको थियो ।
