भिस्ताराले अगस्टदेखि दिल्लीदेखि लण्डन सिधा उडान गर्ने
काठमाडौं, ३ भदौं । भारतीय हवाई सेवा कम्पनी भिस्ताराले आगामी अगस्ट २८ देखि भारतको दिल्लीदेखि लण्डनसम्म सिधा उडान गर्ने भएको छ । यो उडान २८ अगस्टदेखि ३० सेप्टेम्बरसम्म रहने एयरलाइन्सले जनाएको छ ।
फ्रान्सको पेरिस र जर्मनीको फ्रायाङ्कफर्ड पनि सिधा उडानको तयारी गरिरहेको जनाएको छ । कम्पनीले हालै दोस्रो बोइङ ७८७–९ विमान खरिद गरेको थियो । त्यसपछि लामो दूरिको सिधा हवाई उडान सुरु गर्न लागेको कम्पनीले जनाएको छ ।
भिस्ताराले सातामा तीन सोमबार, बुधबार र शुक्रबार उडान गर्ने जनाएको छ । दिल्ली देखि लण्डनसम्मको एकदर्फी भाडादर इकोनोमीको भारु २९ हजार ९ सय १२, प्रिमियमको ४४ हजार ४ सय ४९ र बिजनेसको ७७ हजार ३ सय ७३ तोकिएको कम्पनीले जनाएको छ ।
