बैंक अफ काठमाण्डूले ग्राहकलाई इलेक्ट्रोनिक सामान खरिद गर्न शुन्य प्रतिशत ब्याजदरमा किस्ता दिने
काठमाडौं, २८ भदौ । बैंक अफ काठमाण्डू लिमिटेडले ग्राहकलाई घरायसी विद्युतीय उपकरणहरु सरल किस्ताबन्दीमा खरिद गर्न सकिने योजना सार्वजनिक गरेको छ । नेपालीहरुको महान चाडपर्वलाई लक्षित गर्दै बैंकले सरल किस्ताबन्दी सहितको विशेष योजना ल्याएको हो ।
उक्त योजना बैंकको क्रेडिट कार्ड बाहक ग्राहकहरुले आफुलाई आवश्यक सीजी, एलजी, गोड्रेज, टीसीएल, सेन्साइ, इलिका, केन्ट र ब्लाक र डेकोर ब्रान्डका घरायसी विद्युतीय उपकरणहरु सरल किस्ताबन्दीमा खरिद गर्न सक्नेछन् ।
यस योजनाबाट बैंकको क्रेडिट कार्डको प्रयोग गरी किस्ताबन्दीमा घरायसी विद्युतीय उपकरण खरिद गर्दा ग्राहकलाई कुनैपनि ब्याज नलाग्ने बैंकले जनाएको छ । बैंक र सीजी डिजिटल प्रा.लि.बीच सम्झौता भएसँगै बैंकका ग्राहकलाई सीजीका कुमारीपाटी, रबिभवन, टंगाल, त्रिपुरेश्वर, नयाँबजार, भक्तपुर, कीर्तिपुर, हात्तिगौंडा, इटहरी र भरतपुरका सोरुमबाट यो सुविधा उपलब्ध हुने छ ।
त्यस्तै एलजीका मिनभवन, सिभिल मल, जावलाखेल, कान्तिपथ, चाबहिल, सितापाइला, इमाडोल र बिराटनगरबाट पनि यो सेवा लिन सकिने छ ।
