आशा लघुवित्तले १५ प्रतिशत बोनस शेयर दिने
काठमाडौं, १ असोज । आशा लघुवित्त वित्तीय संस्थाले १५ प्रतिशत बोनस शेयर दिने भएको छ । कम्पनीको बुधबार बसेको सञ्चालक समिति बैठकले आर्थिक वर्ष २०७६–७७ को नाफाबाट १५ प्रतिशत बोनस शेयर दिने निर्णय गरेको हो ।
बोनस शेयरमा लाग्ने कर तिर्न लगानीकर्ताले ०.७८९ प्रतिशत नगद पाउनेछन् । कम्पनीले ३ करोड ४८ लाख ४३ हजार २ सय रुपैयाँ बराबरको बोनस सेयर र १८ लाख ३३ हजार ८५३ रुपैयाँ नगद लाभांश वितरण गर्दैछ ।
यो लाभांश वितरण नियामक राष्ट्र बैंक तथा लघुवित्तको आगामी साधारण सभाले पारित गरेपछि प्रक्रिया अघि बढाउने बताइएको छ।
