आइतबार नेप्से परिसूचक १५७५.१८ विन्दुमा, लिबर्टी इनर्जीको शेयर मूल्य सर्वाधिक घट्यो
काठमाडौं, ४ असोज । साताको पहिलो कारोबार दिन आइतबार (आज) नेप्से परिसूचक ३ अंकले वृद्धि भई १५७५.१८ विन्दुमा रोकिएको छ । गत कारोबारको तुलनामा परिसूचक ०.१९ प्रतिशत वृद्धि भएको हो ।
१८८ कम्पनीको ६४ हजार ५१५ पटकको कारोबारमा ९२ लाख २३ हजार ७१२ कित्ता शेयर २ अर्ब ७४ करोड २७ लाख रुपैयाँमा खरिद विक्री भएको छ ।
लिबर्टी इनर्जीको शेयर मूल्य सर्वाधिक घट्यो
आइतबार लिबर्टी इनर्जी कम्पनीको शेयर मूल्य सर्वाधिक घटेको छ । यो कम्पनीको आज प्रतिशेयर मूल्य १० प्रतिशत घटेको छ । लिबर्टीको आज प्रतिशेयर मूल्य २७० रुपैयाँ कायम भएको छ ।
त्यस्तै हिमाल दोलाखा हाइड्रोपावर कम्पनी लिमिटेड पनि प्रतिशेयर मूल्य १० प्रतशत घटेको छ । यो कम्पनीको प्रतिशेयर मूल्य ९९ रुपैयाँ कायम एको छ । त्यस्तै हिमालयन उर्जा विकास कम्पनी लिमिटेड, पाँचथर पावर कम्पनी लिमिटेड, जोशी हाइड्रोपावर कम्पनी र पञ्चकन्या माई हाइड्रोपावर लिमिटेडको शेयर मूल्य ९ प्रतिशतभन्दा बढी घटेको छ ।
सर्वाधिक शेयर मूल्य वृद्धि खानिखोला हाइड्रोपावर कम्पनी लिमिटेडको भएको छ । यो कम्पनीको प्रतिशेयर मूल्य १० प्रतिशत वृद्धि भएको हो ।
आज कारोबारमा आएका ११ समूहमध्ये ३ वटा समूहको परिसूचक वृद्धि भएको छ भने बाँकी समूहको परिसूचकमा कमी आएको छ । परिसूचक वृद्धि हुनेमा बैकिङ्ग समूह १.५५ प्रतिशत, विकास बैंक समूह १.४१ प्रतिशत, वित्त समूह ३.९४ प्रतिशत रहेका छन् । सर्वाधिक परिसूचक घट्नेमा होटल समूह रहेको छ । यो समूहको ५.१३ प्रतिशत परिसूचक घटेको छ ।
