कैलाशधाम तिर्थस्थललाई ईन्भेष्टर क्लबद्वारा ५० हजार सहयोग हस्तान्तरण
धनगढी, १४ कात्तिक । कैलाली लम्कीमा निर्माणाधिन कैलाशधाम तिर्थस्थललाई ईन्भेष्टर क्लबले ५० हजार रुपैयाँ आर्थिक सहयोग गरेको छ । क्लबले कैलाशधाम तिर्थस्थल निर्माण कमिटीका अध्यक्ष लक्ष्मी राम रिमाललाई उक्त रकम हस्तान्तरण गरेको हो ।
धार्मिक तथा साँस्कृतिक हिसाबले महत्वपूर्ण मानिएको यस निर्माणाधिन तिर्थस्थलमा भक्क्तजनको उपस्थिती एवं सहभागिता आगामी दिनहरुमा उल्लेखनीय रहने विश्वास समितिले लिइएको छ । साथै, मन्दिर निर्माण कमिटीले पनि भक्क्तजन, दाता, सहयोगी मन र विभिन्न संघसंस्थाहरुबाट पनि यस किसिमको धार्मिक कार्यको लागि आगामी दिनहरुमा आर्थिक सहयोग हुने आशा गरिएको बताइएको छ ।
ईन्भेष्टर क्लब एक सामाजिक सञ्जाल फेसबुक ग्रुप हो । जुन ग्रुप शेयर बजारमा अदभुत ज्ञान भएका व्यक्तित्वहरुको सहभागिता रहेको ग्रुप हो । यस ग्रुपले यस किसिमका सामाजिक उत्तरदायित्वको कार्यसंगै शेयरबजारका बारेमा जानकारी दिने, सुरक्षित लगानी कसरी गर्ने, जोखिम कसरी व्यवस्थापन गर्ने र एक सफल लगानीकर्ता कसरी बन्ने भन्ने बारेमा तालिम गराउने उद्देश्य लिएको छ ।
