तीब्र उतार चढावका बीच शेयर बजार झिनो अंकले घटेर बन्द
काठमाडौं, १७ कात्तिक । तीब्र उतार चढावका बीच साताको दोस्रो कारोबार दिन आज (सोमबार) शेयर बजार घटेको छ । आज बजार ३.३३ अंकले घटेर १६३७.६३ को विन्दुमा झरेको छ ।
सो अवधीमा १ सय ९७ कम्पनीको २ अर्ब ४५ करोड रुपैयाँको शेयर खरिद बिक्री भएको छ । यो कारोबार रकम हिजोको तुलनामा झन्डै ५० करोड रुपैयाँ कम हो ।
आज सर्वाधिक शेयर कारोबार प्राईम कमर्सियल बैंकको भएको छ । बैंकको प्रतिकित्ता ३ सय ४५ रुपैयाँमा १२ करोड ४० लाख रुपैयाँको शेयर खरिद बिक्री भएको छ । यस्तै सर्वाधिक कमाउनेमा बिशाल बजार कम्पनी र गुमाउनेमा छिमेक लघुवित्त विकास बैंक रहेको छ । बिशाल बजारको शेयर मूल्य ९.९७ प्रतिशतले बढेको छ भने छिमेकको ७.०१ प्रतिशतले घटेको छ ।
यस्तै कारोबारमा आएका १२ समूह मध्ये ४ समूहको परिसूचक घटेपनि बाँकी अरु भने बढेको छ ।
