आर्थिक क्षेत्र अनुकुल नभएका ऐनहरु संशोधन गरिन्छ : मन्त्री खतिवडा
काठमाडौं, १९ फागुन । अर्थमन्त्री डाक्टर युवराज खतिवडाले आर्थिक क्षेत्र अनुकुल नभएका ऐनहरुलाई संशोधन गर्दै मुलुक भित्र औधोगिक वातावरणको सृजना गर्ने बताएका छन् । नेपाल उद्योग परिसंघका पदाधिकारीहरुसँगको छलफलमा उनले नीजि क्षेत्रको लगानीलाई आकर्षित गर्न लगानीसँग सम्बन्धित ऐनहरु पुनरावलोकन गर्न आवश्यक झन्झटीलो र अप्रतिस्पर्धी ऐनहरु खारेज गर्ने तर्फ सरकार दृढ रहेको बताए ।
भेटमा नेपाल उद्योग परिसंघका अध्यक्ष हरिभक्त शर्माले मुलुकभित्र लगानीमैत्री वातावरण निर्माण गर्न सरकारलाई आग्रह गरेको थिए । नेपालमा लगानीको उल्लेख्य सम्भावना रहेको र सोही अनुसार लगानीका लागि स्वदेशी एवं विदेशी लगानीकर्ता उत्सुक रहेको भन्दै नयाँ सरकारबाट उद्योगी व्यवसायी निकै आशावादी रहेको उनले बताए । त्यस्तै सरकारले ल्याउने आर्थिक विकासका योजनाहरुलाई सघाउने आश्वासन पनि उनले दिए ।
