आन्तरिक राजस्व विभागको महानिर्देशकमा मैनाली
काठमाडौं, २७ माघ । अर्थ मन्त्रालयले आन्तरिक राजस्व विभागको जिम्मेवारी दीर्घराज मैनालीलाई दिने निर्णय गरेको छ । मन्त्रालयले विभागको महानिर्देशकमा मैनालीलाई नियुक्त गरेको हो ।
यसअघि विभागको महानिर्देशक विनोदबहादुर कुँवरलाई प्रदेश सरुवा गरेपछि रिक्त पदमा मैनालीलाई नियुक्त गरिएको हो ।
हाल मैनाली राजस्व अनुसन्धान विभागमा महानिर्देशक छन् । आन्तरिक राजस्व विभागको महानिर्देशक बनाउन सामान्य प्रशासन मन्त्रालयले अनुमति दिएपछि मैनालीले कार्यभार शुरू गर्नेछन् ।
