वितरण प्रणालीमा बढ्यो मेलम्चीको पानी, केही दिनमै १७ करोड लिटर पुग्ने
काठमाडौं, ४ वैशाख । काठमाडौं उपत्यकामा मेलम्चीको पानी वितरण परिमाण बढेको छ । गत चैत १५ गतेदेखि परीक्षणका वितरण शुरु गरिएको मेचलम्चीको पानी दैनिक १२ करोड २६ लाख लिटर पुगेको हो ।
चैत मसान्तसम्ममा साढे आठ करोड लिटर पानी वितरण भएकोमा वैशाख १ देखि १० करोड लिटर पानी वितरण शुरु गरिएको थियो । शुक्रवारदेखि १२ करोड २६ लाख लिटर पानी वितरणका लागि पठाइएको मेलम्ची खानेपानी विकास समितिका प्रवक्ता राजेन्द्र पन्तलाई उद्धृत गर्दै राससले उल्लेख गरेको छ ।
अबको केही दिनमा १४, १५.५ हुँदै १७ करोड लिटर पानी वितरण गर्ने गरी योजना बनाइएको छ । क्रमशः बढाउँदै लगेर वैशाख ५ गतेसम्ममा मेलम्चीको १७ करोड लिटर पानी सुरुङबाट राजधानी ल्याई वितरण गरिने आयोजनाले बताएको छ ।
हाल सुन्दरीजलका पानी दुवै प्रशोधन केन्द्रबाट प्रशोधन हुन थालेको छ । चैत मसान्तसम्म एउटै प्रशोधन केन्द्र मात्र सञ्चालन गरिएको थियो । वैशाख १ गतेदेखि दुवै प्रशोधन केन्द्र सञ्चालन हुन थालेको हो । सुन्दरीजलबाट नेपाल खानेपानी गुणस्तरको पानी महाङ्काल, बालाजु, लाजिम्पाट पानीपोखरी, अनामनगर ओभरहेड पानीपोखरी, मीनभवन ओभरहेड पानीपोखरी र खुमलटार पानीपोखरीमा पु¥याई वितरण शुरु भएको छ ।
