सुनको मूल्य तोलाको ९१ हजार पुग्यो

काठमाडौं, ६ बैशाख । नेपाली बजारमा सुनको मूल्य आज पनि बढेको छ । हिजो तोलाको दुई सय रुपैयाँले बढेको सुनको मूल्य आज पनि तीन सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला ९१ हजार रुपैयाँमा कारोबार भइरहेको छ । यस्तै तेजाबी सुन प्रतितोला ९० हजार पाँच सय रुपैयाँमा कारोबार भइरहेको छ । हिजो तेजाबी सुन तोलाको ९० हजार दुई सय रुपैयाँमा कारोबार भएको थियो । पछिल्लो समय विवाहको लगन सुरु भएसँगै सुनको मूल्य पनि बढिरहेको छ ।

आज चाँदीको मूल्य भने स्थिर छ । महासंघका अनुसार चाँदी तोलाको एक हजार तीन सय रुपैयाँमा कारोबार भइरहेको छ ।