सांग्रिला डेभलपमेन्ट बैंकले ७५ करोड बराबरको ऋणपत्र बिक्री गर्न अनुमति पायो
काठमाडौं, १७ वैशाख । सांग्रिला डेभलपमेन्ट बैंकले ७५ करोड रुपैयाँ बराबरको ऋणपत्र बिक्री गर्न नोपल धितोपत्र बोर्डबाट अनुमति पाएको छ। बैंकले प्रतिइकाई १ हजार रुपैयाँको दरमा ७ लाख ५० हजार इकाई ऋणपत्र बिक्री गर्न बोर्डबाट अनुमति पाएको हो ।
यसमध्ये ३ लाख इकाई सर्वसाधारणका लागि खुला हुनेछ भने बाँकी ४ लाख ५० हजार इकाई भने बैंकले आफ्नै पहलमा अन्य संघ–संस्थालाई बिक्री गर्नेछ । ऋणपत्रमा वार्षिक ९ प्रतिशत ब्याजदर पाइनेछ । बिक्री प्रबन्धकमा एनआइबीएल एस क्यापिटल रहेको छ ।
