सोमबार सुनको मूल्य ९२ हजार पुग्यो
काठमाडौं, २६ वैशाख । सोमबार नेपालमा छापावाल सुनको मूल्य प्रतितोलामा ९२ हजार रुपैयाँ पुगेको छ । नेपाल सुनचाँदी व्यवसायी महासंघका अनुसार सोमबार प्रतितोला दुई सय रुपैयाँले बढेर मूल्य ९२ हजार रुपैयाँ पुगेको हो ।
आइतबार सुनको मूल्य तोलामा एक सय रुपैयाँले बढेर ९१ हजार ८ सय रुपैयाँ पुगेको थियो । यस्तै तेजाबी सुनको मूल्य सोमबार ५१ हजार ५ सय रुपैयाँ पुगेको छ ।
सोमबार चाँदीको मूल्य भने तोलामा १५ रुपैयाँले बढेर १३ सय ६० रुपैयाँ पुगेको महासंघले जनाएको छ। महासंघले अन्तर्राष्ट्रिय बजार अनुसार मूल्य निर्धारण तोकेपनि निषेधाज्ञाले सुनको कारोबार ठप्प छ ।
