सुनको मूल्यमा आज पनि वृद्धि, तोलाको ९२ हजार ८ सय पुग्यो

काठमाडौं, ३ जेठ । हिजो एकै दिन प्रतितोला ९ सय रुपैयाँले बढेको सुनको मूल्य आज पनि ३ सय रुपैयाँले बढेको छ । नेपाल सुनचाँदी व्यवसायी महासंघका अनुसार आज नेपाली बजारमा सुनको मूल्य प्रतितोला ९२ हजार ८ सय रुपैयाँ पुगेको हो ।

त्यस्तै आज तेजाबी ९२ हजार ३ सय रुपैयाँमा कामय भएको छ । यस्तै चाँदीको मूल्य पनि आज सामान्य वृद्धि भएको छ । चाँदी प्रतितोला ५ रुपैयाँले वृद्धि भई १ हजार ३ सय ५५ रुपैयाँ कायम भएको महासंघले जनाएको छ ।

मूल्य निर्धारण गरिएपनि निषेधाज्ञाले कारोबार भने नभएको महासंघले जनाएको छ ।