नयाँ पुनर्बीमाका लागि ‘हिमालयन रि’ लाई लाइसेन्स दिने बीमा समितिको निर्णय
काठमाडौं, १७ जेठ । बीमा समितिले हिमालयन रि–इन्स्योरेन्सलाई नयाँ पुनर्बीमा कम्पनीको लाइसेन्स दिने निर्णय गरेको छ । नयाँ पुनर्बीमा कम्पनीको लाइसेन्सका लागि आवेदन दिएका पाँच कम्पनी मध्ये हिमालयन रिलाई समितिले कम्पनी संचालनका लागि सहमति दिएको हो ।
यो कम्पनीमा नेपाल उद्योग वाणिज्य महासंघका अध्यक्ष शेखर गोल्छा, पूर्व अध्यक्षद्वय भवानी राणा र पशुपति मुरारका, नेपाल परिसंघका अध्यक्ष सतीशकुमार मोर सहित शंकर ग्रुप, केएल दुगड ग्रुप, एमभि दुगड ग्रुप, लक्की ग्रुप लगायत अन्य विभिन्न व्यवसायिक घरानाका व्यक्तिहरु संलग्न छन् ।
समितिका अनुसार हिमालयनसहित प्रुडेन्सियल रि–इन्योरेन्स, अन्नपूर्ण रि–इन्स्योरेन्स, काठमाडौं रि–इन्स्योरेन्स र जेन्युन रि–इन्योरेन्सले लाइसेन्सका लागि आवेदन दिएका थिए ।
हाल नेपालमा एक मात्र पुनर्बीमा कम्पनी नेपाल पुनर्बीमा कम्पनी संचालनमा छ ।
