सिटिजन्स बैंकको विशेष साधारण सभाबाट सिर्जना फाइनान्सलाई प्राप्तीको प्रस्ताव पारित

काठमाडौं, २७ जेठ । सिटिजन्स बैंक इन्टरनेशनल लिमिटेडको सातौँ विशेष साधारण सभा सम्पन्न भएको छ। बैंकको केन्द्रिय कार्यालयमा डिजिटल प्लाटफर्म जुममार्फत बैंकले सातौँ विशेष साधारण सभा संचालन गरिएको हो ।

सञ्चालक समितिको तर्फबाट अध्यक्ष राजनसिंह भण्डारीले सिर्जना फाइनान्स लिमिटेडललाई प्राप्ति (एक्विजिसन) गर्नका लागि पेश गरेको विशेष प्रस्ताव विशेष साधारण सभाबाट सर्वसम्मत रुपमा पारित भएको छ । सिर्जना फाइनान्सको एक सय कित्ता शेयरलाई सिटिजन्स बैंकको ९५ कित्ता शेयर (१ः०.९५) दिने गरी शेयर मूल्य अनुपात कायम गरिएको छ ।

प्राप्ति गरेपछि सर्वसाधारणबाट उठाएको निक्षेप करिव १ खर्ब ३८ अर्ब रुपैयाँ हुनेछ भने सर्वसाधारणलाई दिएको ऋण लगानी करिव १ खर्ब २२ अर्ब रुपैयाँ हुने जानकारी दिइएको छ। यस्तै बैंकको कुल शाखा एक सय ८९ हुनेछ भने ग्राहक सङ्ख्या करिव १२ लाख पुग्नेछ ।

Leave a Reply

Your email address will not be published. Required fields are marked *