पाँचौंपटक प्रधानमन्त्रीमा नियुक्त भए देउवा
काठमाडौं, २९ असार । नेपाली कांग्रेसका सभापति शेरबहादुर देउवा प्रधानमन्त्रीमा नियुक्त भएका छन् । राष्ट्रपति विद्यादेवी भण्डारीले आज (मंगलवार) अपराह्न प्रधानमन्त्री पदमा देउवालाई नियुक्त गरेकी हुन् । प्रधानमन्त्रीको रूपमा देवाउको यो कार्यकाल पाँचौंपटक हो ।
संविधानको धारा ७६ (५) अनुसार प्रधानमन्त्री पदमा नियुक्त भएका देउवाको शपथ ग्रहणको समय भने आज साँझ ६ बजे निर्धारण गरिएको छ । प्रधानमन्त्री नियुक्त भएपछि देउवाले मंगलवार सानो मन्त्रिमण्डल गठन गर्ने तयारी गरेका छन् ।
सर्वोच्च अदालतले सोमवार प्रतिनिधिसभा पुन ःस्थापना गर्दै सो कांग्रेस सभापति देउवालाई प्रधानमन्त्री नियुक्त गर्न परमादेश समेत जारी गरेको थियो ।
