माउण्ट रसुवा हाइड्रोपावरको मिदिम–१ जलविद्युत आयोजनामा लक्ष्मी बैंकले लगानी गर्ने
काठमाडौं, ३० असार । माउण्ट रसुवा हाइड्रोपावर प्रा.लि.ले निर्माण गर्न लागेको मिदिम खोला–१ जलविद्युत् आयोजनामा लक्ष्मी बैंक लिमिटेडले कर्जा लगानी गर्ने भएको छ । गण्डकी प्रदेशको लमजुङ्ग जिल्लाको कव्होलासोथार र मस्र्याङदी गाँउपालिकाहरुमा अवस्थित १३.४३४ मेगावाटको मिदिम खोला–१ जलविद्युत आयोजनाको लागि बैंकले कर्जा लगानी गर्ने असार ३० गते सम्झौता भएको हो ।
उक्त आयोजनाको निर्माण लागत जम्मा २ अर्ब ९३ करोड ८२ लाख रुपैयाँ रहेको छ ।
माउण्ट रसुवा हाइड्रोपावर प्रा.लि. र नेपाल विद्युत प्राधिकरण वीच विद्युत खरिद सम्बन्धि सम्झौता २०७५ माघ ७ गते भइसकेको छ । उक्त आयोजना निर्माणको लागि उर्जा मन्त्रालयबाट मिति २०७७ कार्तिक ३ गते विद्युत उत्पादन अनुमति प्राप्त गरिसकेको छ । माउण्ट रसुवा हाइड्रोपावर प्रा.लि. लाई रसुवा कन्स्ट्रकशन प्रा.लि. लगायत अन्य व्यक्तिहरुले प्रवद्र्धन गरिरहेका छन् ।
