तेस्रो दिनसम्म सानिमा लाइफ इन्स्योरेन्सको आइपीओमा ५.५५ गुणा बढीको आवेदन
काठमाडौं, २२ साउन । सानिमा लाइफ इन्स्योरेन्स लिमिटेडको प्राथमिक शेयर (आईपीओ)मा आवेदन खुल्ला भएको तेस्रो दिनमा ५.५५ गुणा बढीको आवेदन परेको छ । बिक्री प्रवन्धक प्रभु क्यापिटलका अनुसार शुक्रबार अपरान्ह ३ः३० बजेसम्ममा १९ लाख १८ हजार ५ सय ५७ जना सर्वसाधारण लगानीकर्ताबाट २ अर्ब ९९ करोड ८३ लाख ६२ हजार रुपैयाँ रकम बराबरको २ करोड ९९ लाख ८३ हजार ६ सय २० कित्ता शेयरको लागि आवेदन परेको छ ।
निष्काशन गरिएको ६० लाख कित्ता मध्ये सामुहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५४ लाख कित्ता शेयर सर्वसाधारणलाई निष्काशन गरिएको छ । आईपीओमा लगानीकर्ताहरुले न्यूनतम १० कित्तादेखि अधिकतम ३० हजार कित्तासम्म आवेदन दिन सक्ने छन् । आईपीओमा आवेदन दिने अन्तिम समय छिटोमा साउन २४ गते आइतबार सम्म रहेको छ ।
