Date

बिहि, अशोज ४, २०८०
Thu, September 21, 2023

आजको विदेशी मुद्रा विनिमय दर

अन्तर्राष्ट्रिय उडानमा परीक्षणको अनिवार्यता हटाउन वायुसेवा संघको माग

अन्तर्राष्ट्रिय उडानमा परीक्षणको अनिवार्यता हटाउन वायुसेवा संघको माग

काठमाडौं, ७ फागुन । वायुसेवा सञ्चालकको छाता संगठन वायुसेवा संघले अन्तर्राष्ट्रिय हवाई उडानमा पीसीआर परीक्षण र सीसीएमसीको फाराम हटाउन माग गरेको छ ।

कोभिड महामारीको संक्रमण दर घटेको र जोखिम कम रहेको भन्दै संघले विज्ञप्तिमार्फत कोभिड रोकथामका लागि लगाइएका प्रावधान हटाएर पर्यटन उद्योगलाई सहजता प्रदान गर्न आग्रह गरेको हो । विश्वभरि नै कोभिड घट्दो क्रममा रहेको र धेरैजसो मुलुकले प्रतिबन्धलाई खुकुलो पारेको संघको दाबी छ ।

‘छिमेकी मुलुक भारत, भियतनाम तथा अन्य युरोपियन मुलकले हवाईयात्राका लागि पीसीआर परीक्षणको अनिवार्यता हटाइसकेकाले नेपालमा पनि सोही अनुरुप पर्यटकका लागि सजिलो हुने गरी पीसीआर परीक्षण र सीसीएमसीको फाराम भर्नुपर्ने प्रावधान तत्कालै हटाई पर्यटन उद्योगलाई राहत प्रदान गर्न संघ सरकार समक्ष अनुरोध गर्दछ,’ विज्ञप्तिमा उल्लेख छ ।

महामारीबाट सबैभन्दा बढी प्रभावित पर्यटन उद्योग अझ अन्योल र अनिश्चिततामा रुमल्लिएको छ। झण्डै दुई वर्षमा विदेशी पर्यटकको आगमनमा निकै ह्रास आएकाले यस क्षेत्रमा आश्रित कतिपय व्यवसाय सदाका लागि बन्द हुने र दक्ष जनशक्ति पलायन हुने अवस्था रहेको संघले औँल्याएको छ । मुलुकको एक मात्र त्रिभुवन अन्तर्राष्ट्रिय विमानस्थलबाट तीन नेपालीसहित २९ वटा वायुसेवा प्रदायकले अन्तर्राष्ट्रिय उडान भर्दै आएका छन् ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x