नेपाली सेनाको नेतृत्वमा ‘सफा हिमाल अभियानको टोली पुग्यो आधार शिविरमा
काठमाडौं, १२ वैशाख । नेपाली सेनाले नेतृत्व गरेको ‘सफा हिमाल अभियान– २०२२’ को टोली चार वटा हिमालका आधार शिविरमा पुगेका छन् । सगरमाथा, ल्होत्से, कञ्चनजंघा र मनास्लु हिमालको सफाइ गर्ने तयारीकासाथ उक्त टोली त्यहाँ गएको हो ।
सगरमाथा र ल्होत्सेमा खटिएको टोली १ वैशाख, कञ्चनजंघामा खटिएको टोली ८ वैशाख र मनास्लुमा खटिएको टोली ९ वैशाखमा आधार शिविर पुगेको नेपाली सेनाले बताएको छ ।
बेस क्याम्प पुगे पश्चात् उक्त टोलीले फोहोर संकलन कार्य सुरु गरेको जंगीअड्डा जनसम्पर्क तथा सूचना निर्देशनालयले जनाएको छ । हिमाल सफाइ अभियान यही वैशाख २२ गतेसम्म सञ्चालन हुने नेपाली सेनाले बताएको छ ।
