कलंकी अण्डरपास निर्माणको ९० प्रतिशत काम सम्पन्न, तीन महिनापछि सञ्चालनमा आउने

काठमाण्डौं, २१ बैशाख । चीन सरकारको सहयोगमा निमार्ण भइरहेको चक्रपथ सुधार परियोजना अन्र्तगत कलंकीमा निर्माण भइरहेको अण्डरपास आगामी जुलाई अन्तिमसम्म सञ्चालनमा आउने भएको छ । चक्रपथ सुधार आयोजनाका इन्जिनियर प्रकास चन्द्र भण्डारीका अनुसार अवको ३ महिनाभित्र अन्डपास सञ्चालनमा ल्याउने गरी निमार्णको काम दु्रत गतिमा भइरहेको छ ।

स्टम्चर र वाल लाउने काम पुरा भइसकेको र पिच गर्ने तथा फिनिसिङको काम मात्र बाँकी रहेको उनले जानकारी दिए । सन् २०१६ मा शुरु गरिएको अण्डरपास ६ महिना भित्र पुरा गर्ने लक्ष्य राखिए पनि भूकम्प र नाकाबन्दीको कारण देखाउदैं ठेकेदार कम्पनीले समयमा काम नगरेपछि एक बर्ष समय थप गरिएको थियो । पटक पटकको समयवधि थप गदैं चीनिया कम्पनी सांघाई कन्स्ट्रक्सनले २४ सै घन्टा निमार्णको काम गरिरहेको उनले बताए । त्यहाँ अहिले २० जना चिनिया र ५० जना नेपाली गरी जम्मा ७० जनाले काम गरीरहेका छन् ।

चीन सरकारको सहयोगामा निमार्ण भइरहेको चक्रपथ सुधार परियोजना अन्र्गतको यो अन्डरपास नेपालकै पहिलो हो । कुल ८ सय मिटर लामो अन्डरपास रहेको सडकको काम बल्खु देखी कलंकी सम्मको १.४ किलो मिटरमा पिच गर्नेकाम बाँकी नै रहेको आयोजनाका इन्जिनियर भण्डारीले जानकारी दिए । उनले भने ९० प्रतिशत पुरा भएको र उक्त अन्डरपास कलंकी चोकदेखि बल्खुसम्म ४ सय मिटर र सितापाइलातिर ४ सय मिछटर गरी जम्मा ८ सय मिटरको बनाउन लागिएको जानकारी दिए । अन्डरपासको निमार्णभइसकेपछि कलंकीमा हुने घण्टौं जाम पूर्णरुपमा हट्ने विश्वास लिइएको छ ।

Leave a Reply

Your email address will not be published. Required fields are marked *