निर्वाचनका दिन बुद्धको नियमित उडान बन्द
काठमाडौं, २३ वैशाख । निजी वायुसेवा कम्पनी बुध्द एयरले स्थानीय तहको चुनावका दिन वैशाख ३० गते आफ्नो सबै उडान बन्द गर्ने भएको छ ।
यो दिन सार्वजनिक सवारीसाधन सबै बन्द हुने हुँदा यात्रु सहजतालाई मध्यनजर गर्दै यो दिनको सबै उडान बन्द गरिएको कम्पनीका सूचना अधिकारी दिपेन्द्र कुमार कर्णले बताए ।
‘विगतमा पनि चुनावको दिन नियमित तर्फको व्यवसायिक उडान बन्द गर्नका लागि सरकारले पत्राचार गरेको हुन्थ्यो। आधिकारिक पत्राचार भने आउन बाँकी नै छ’ कर्णले भने ।
उडान नै बन्द हुने भएपछि कम्पनीले वैशाख ३० का दिन टिकट काटेका यात्रुलाई धमाधम सूचना जारी गर्दै रिसेड्युल वा रिफन्ड गरिने जानकारी गराइएको उनले बताए ।
