प्लस टु दिई बसेका विद्यार्थीलाई अन्नपूर्ण केबुलकारमा ५० प्रतिशत छुट
काठमाडौं, २३ जेठ । अन्नपूर्ण केबुलकारले प्लस टु परीक्षा दिई बसेका विद्यार्थीलाई अन्नपूर्ण केबुलकारमा ५० प्रतिशत छुट दिने भएको छ ।
आगामी दिनमा उच्च शिक्षा अध्ययन गर्नका लागि प्रोत्साहन गर्ने र मेहेनती हरुलाई अझ मेहेनती बन्नका लागि उर्जा प्रदान गर्दै केही समय भएपनि रमाइलो बनाउने उद्देश्यले भर्खरै +२ दिई बसेका छात्रछात्राहरुलाई केबुलकार टिकटमा ५० प्रतिशत छुट प्रदान गर्ने भएको हो ।
यस छुट लिनको लागि विद्यार्थीले यस वर्ष प्लस टु परीक्षामा सामेल भएको परीक्षा प्रवेश पत्र अनिवार्य देखाउनु पर्नेछ । यो योजना यहि २६ जेठ देखि ३ असार सम्म लागु हुने बताइएको छ ।
पोखराको सेदी बगरदेखि सरांकोटसम्म सञ्चालनमा रहेको यस केबुलकारमार्फत करिब १० मिनेटमा सेदीदेखि सरांकोट पुग्न सकिने छ ।
