सुनचाँदीको मूल्य घट्यो

काठमाडौं, ५ असार । यस साताको पहिलो कारोबार दिन आइतबार सुनचाँदीको मूल्य घटेको छ ।

शुक्रबारको तुलनामा यस दिन छापावाला सुनको मूल्य प्रतितोला ३ सय र चाँदीको प्रतितोला १० रुपैयाँले घटेर कारोबार भएको हो ।

यस्तै शुक्रबार छापावाला सुन प्रतितोला ९७ हजार ८ सय र चाँदी प्रतितोला १२ सय ७५ रुपैयाँमा कारोबार भएको थियो । यस्तै आज साताको पहिलो दिन आइतबार मूल्य घटेर सुन प्रतितोला ९७ हजार ५ सय र चाँदीको प्रतितोला १२ सय ६५ रुपैयाँमा कारोबार भएको महासंघले जनाएको छ ।