चन्द्रलोक प्रतिष्ठानद्वारा विभिन्न विधामा योगदान पुर्याएका व्यक्तिलाई सम्मान
काठमाडौं, १३ असोज । चन्द्रलोक प्रतिष्ठानले विभिन्न विधामा उल्लेख्य योगदान पुर्याएका व्यक्तिलाई सम्मान गरेको छ ।
बुधबार पर्यटन बोर्डको हलमा आयोजना भएको उक्त कार्यक्रममा राष्ट्रिय सभाका अध्यक्ष गणेश तिमिल्सिनाले सम्मान गरका थिए । चन्द्रलोक प्रतिष्ठानले न्युज अफ नेपालका सम्पादक तथा नेपाल समाचारपत्रका कार्यकारी सम्पादक दीपक रिजाल लगायत विभिन्न क्षेत्रमा क्रियाशील व्यक्तित्वलाई सम्मानित गरिएको थियो ।
उक्त सम्मानबाट जनता टेलिभिजनका सम्पादक टंक पन्त, गोरखापत्र दैनिकका फोटो पत्रकार कविता थापा लगायतका ब्यक्ति सम्मानित भएका थिए ।
संस्थाका अध्यक्ष सीताराम कार्कीले विभिन्न क्षेत्रमा ख्याती कमाएका व्यक्तिलाई सम्मान गर्न पाएकोमा आफु हर्षित भएको बताएका थिए ।
