तोलामा एक लाख नाघ्यो सुनकाे मूल्य, चाँदीकाे कति ?

काठमाडाैं, २३ मंसिर । शुक्रबार पनि नेपाली बजारमा सुनकाे मूल्य बढेकाे छ । आज सुनकाे मूल्य ताेलामा ६०० रूपैयाँले बढेर १ लाख नाघेकाे छ । बिहिबार प्रतिताेला ९९ हजार ७०० रूपैयाँमा काराेबार भएकाे सुनकाे मूल्य आज ताेलाकाे १ लाख ३०० रूपैयाँ कायम भएकाे नेपाल सुनचाँदी व्यवसाय महासंघले जनाएकाे छ ।

यस्तै तेजावी सुनकाे मूल्य आज ताेलाकाे ९९ हजार ८००  रूपैयाँ कायम भएकाे छ । हिजाे तेजावी सुन प्रतिताेला ९९ हजार २०० सरूपैयाँमा काराेबार भएकाे थियाे ।

यता आज चाँदीकाे मूल्य पनि ताेलामा ३० रूपैयाँले बढेकाे छ । हिजाे प्रतिताेला १ हजार ३६० रूपैयाँमा काराेबार भएकाे चाँदीकाे मूल्य आज १ हजार ३९० रूपैयाँ निर्धारण भएकाे छ ।