कृषि विकास बैंकको सीईओमा गोविन्द गुरुङ नियुक्त
काठमाडौं, ७ फागुन । कृषि विकास बैंकको प्रमुख कार्यकारी अधिकृत (सीईओ)मा चार वर्षे कार्यकालका लागि गोविन्द गुरुङ नियुक्त भएका छन् । अनिल उपाध्याय चार वर्षे कार्यकाल पुरा गरेर अवकाश भएपछि रिक्त रहेकाे प्रमुख कार्यकारी अधिकृत पदमा चारवर्षे कार्यकालको लागि गुरुङको नियुक्ति भएको हो ।
कृषि विकास बैंकको सञ्चालक समितिले खुला प्रतिस्पर्धाबाट शनिवार गुरुङलाई सीईओमा नियुक्त गरेको हो ।
हिमालयन बैंकबाट बैंकिङ करिअर सुरु गरेका गुरुङको सिभिल बैंकमा सीईओको रुपमा काम गरेको अनुभव छ । उनले ग्लोबल आईएमई तथा मेगा बैंकमा समेत काम गरेका छन् । सिभिल बैंक छाडेपछि गुरुङ म्यानमारको बैंकमा सीईओ भएर काम गरेका थिए ।
