७ महीनामा १ खर्ब ३७ अर्बको वैदेशिक सहायता प्रतिबद्धता
काठमाडौं, १५ चैत । चालू आर्थिक वर्षको ७ महिनामा १ खर्ब ३७ अर्ब रुपैयाँभन्दा बढीको वैदेशिक सहायता प्रतिबद्धता आएको छ । अर्थ मन्त्रालयका अनुसार माघ मसान्तसम्ममा कुल १ खर्ब ३७ अर्ब १२ करोड रुपैयाँ बराबरको वैदेशिक सहायता प्रतिबद्धता आएको हो । यो गत आर्थिक वर्षको सोही अवधिको तुलनामा १३ प्रतिशतले बढी हो ।
माघ मसान्तसम्ममा आएको वैदेशिक सहायता प्रतिबद्धतामध्ये अनुदान २३ अर्ब १२ करोड र ऋण १ खर्ब १४ अर्ब रुपैयाँ रहेको छ । गत आर्थिक वर्षको सोही अवधिमा १ खर्ब २१ अर्ब ३२ करोड रुपैयाँ बराबरको वैदेशिक सहायता प्रतिबद्धता आएको थियो ।
