यो साता सुनको मूल्यमा सामान्य बृद्धि
काठमाडाैं,९मंसिर । यो साता विश्व बजारमा सुनको मुल्यमा सामान्य बृद्धि भएको छ ।
अन्तर्राष्ट्रिय बजारमा सुनको मुल्यमा आएको उतार चढावका कारण समग्र बजारमा सामन्य प्रभाव पर्न गई सुनको मुल्य बढ्न सहयोग पुगेको बिश्लेषकहरुको भनाई छ ।
नेपाली बजारमा पनि यो साता सुनको मुल्य सामान्य बढ्यो । साताको पहिलो दिन आइतबार प्रति १० ग्राम ९९ हजार २५ रुपैयाँ रहेको सुनको मुल्य बुधबार र बिहिबार ९९ हजार ८ सय ८० मा पुगेर शुक्रबार ९९ हजार ७ सय १० कायम भएकाे छ ।
जुन साताको पहिलो दिनको तुलनामा अन्तिम दिन प्रति १० ग्राम ६ सय ८५ रुपैयाँले बढी हो ।
यो साता नेपाली बजारमा चाँदीको मुल्य स्थिर रह्यो । साताको पहिलो दिन १ हजार २ सय ४३ रुपैयाँमा कारोबार भएको चाँदीको मुल्य साताको अन्तिम कारोबार भएको दिन शुक्रबार पनि सोही मुल्य कायम भएकाे छ ।
