त्रिभुवन विश्वविद्यालयको उपकुलपतिमा केशरजंग बराल
काठमाडौं, १० फागुन । त्रिभुवन विश्वविद्यालयको उपकुलपतिमा प्रा.डा. केशरजंग बराल नियुक्त भएका छन् ।
त्रिविका कुलपति तथा प्रधानमन्त्री पुष्पकमल दाहाल प्रचण्डले बिहीबार बराललाई उपकुलपति नियुक्त गरेका हुन् । बराल पोखरा विश्वविद्यालयका पूर्वउपकुलपति हुन् ।
शिक्षामन्त्री अशोक राईको अध्यक्षतामा गठित छनोट समितिले बरालसहित तीन जनालाई नियु्क्तिका लागि सिफारिस गरेको थियो।
