चौथो पटक प्रधानमन्त्री नियुक्त हुँदै ओली, सपथ साेमबार बिहान
काठमाडाैं, ३० असार । आइतबार नेकपा एकालेका अध्यक्ष केपी शर्मा ओली प्रधानमन्त्रमा नियुक्त हुने भएका छन् । चौथो पटक प्रधानमन्त्री बन्न लागेका ओलीलाई राष्ट्रपति रामचन्द्र पौडेलले आज प्रधानमन्त्रिमा नियुक्त गर्न लागेका हुन् ।
राष्ट्रपति कार्यालयले प्रकाशित गरेको आह्वान प्रस्तावको समय आइतबार साँझसम्मै रहेकाले सोमबार मात्र शपथ हुने भएकाे छ । ओलीले सोमबार ११ बजे पद तथा गोपनीयताको सपथ लिने तयारी गरेका छन् ।
शुक्रबार नेपाली कांग्रेसका सभापति शेरबहादुर देउवा, एमाले अध्यक्ष ओलीसहितका नेताले राष्ट्रपति कार्यालयमा प्रधानमन्त्रीको दाबी पेश गरेका थिए। राष्ट्रपति पौडेलले संविधानको धारा ७६ (२) अनुसार सरकार गठनका लागि आह्वान गरेसँगै काग्रेस–एमालेले १६६ जना सांसदको समर्थनसहितको दाबी प्रस्तुत गरेका थिए।
