मंगलबार सुनकाे मूल्य सामान्य घट्दा चाँदीकाे बढ्याे
काठमाडाैं, ४ भदाै । मंगलबार नेपाली बजारमा सुनको मूल्यमा सामान्य घटेकाे छ भने चाँदी बढेको छ। आज सुनकाे मूल्य ताेलामा १०० रूपैयाँले घटेकाे हाे ।
नेपाल सुनचाँदी व्यवसायी महासंघका अनुसार आज छापावाल सुनकाे मूल्य प्रतिताेला एक लाख ५२ हजार दुई सय रूपैयाँमा कारोबार भइरहेको छ। सोमबार छापावाल सुन प्रतितोला एक लाख ५२ हजार तीन सय रूपैयाँमा कारोबार भएको थियो।
त्यसैगरी, मंगलबार चाँदीको मूल्य तोलामा १० रूपैयाँले बढेको छ। सोमबार प्रतितोला १८ सय १० रूपैयाँमा कारोबार भएको चाँदी मंगलबार प्रतितोला १८ सय २० रूपैयाँमा किनबेच भइरहेको छ।
