Date

शुक्र, चैत्र १६, २०८०
Fri, March 29, 2024

विकास बजेटको ६० प्रतिशत मात्र खर्च, राजस्वको लक्ष्य भेट्न कठिन

विकास बजेटको ६० प्रतिशत मात्र खर्च, राजस्वको लक्ष्य भेट्न कठिन

काठमाडौ, २७ असार । चालू आर्थिक वर्ष सकिन ६ दिन बाँकी रहदा  हाल सम्म कुल बजेटको ७६ प्रतिशत मात्र खर्च भएको छ । यसैगरी विकास बजेटको तर्फभने ६० प्रतिशत मात्र खर्च भएको छ अझै पनि कुल बजेटको एक तिहाइ भन्दा बढी रकम खर्च हुन बाँकी ।  जसले राजश्वको लक्ष्य भेटन कठिन हुने देखिएको छ । महालेखा नियन्त्रकको कार्यालयको तथ्यांकअनुसार चालू आर्थिक वर्षको २५ असारसम्ममा पुँजीगततर्फको जम्मा ६० दशमलव ५५ प्रतिशत खर्च भएको छ । यो भनेको कुल बजेटमध्ये २ खर्ब २ अर्ब रुपैयाँ हो । जबकि, पुँजीगत खर्चअन्तर्गत ३ खर्ब ३५ अर्ब रुपैयाँ बजेट विनियोजन गरिएको थियो ।

महालेखाको तथ्यांकअनुसार चालू बजेट भने ८४ दशमलव २८ प्रतिशत खर्च भएको छ । यो कुल बजेटको ६ खर्ब ७७ अर्ब रुपैयाँ हो । यो शीर्षकमा ८ अर्ब ३ अर्ब रुपैयाँ बजेट विनियोजन भएको छ । यस्तै, वित्तीय व्यवस्थापनतर्फ ९४ अर्ब ८४ करोड रुपैयाँ खर्च भएको छ । यो रकम वित्तीय व्यवस्थापन शीर्षकअन्तर्गत विनियोजित कुल बजेटको ७६ प्रतिशत हो । यो शीर्षकमा १ खर्ब ४१ अर्ब रुपैयाँ विनियोजन भएको छ।

महालेखाको तथ्यांकअनुसार हालसम्म राजस्वतर्फ लक्ष्यको ९३ दशमलव १५ प्रतिशत अर्थात् ६ खर्ब ८० अर्ब रुपैयाँ संकलन भएको छ । सरकारले आर्थिक वर्ष २०७५÷७५ मा ७ खर्ब ३० अर्ब रुपैयाँ राजस्व संकलनको लक्ष्य लिएको छ ।

चालू आर्थिक वर्षका लागि विकास खर्च तर्फ छुट्याइएको बजेटबाट असार लागेपछि दैनिक अर्बौं रुपैयाँ खर्च हुदै आइरहेछ । यसदे गर्दा अघिल्ला बर्ष जस्तो यस बर्ष पनि असारे विकासको बाढी निरन्तर देखिन्छ ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x