एनएमबि बैंकले प्रस्ताव गर्याे १५ प्रतिशत बोनस, एफपिओका आवेदकले पनि पाउने
काठमाडौं, २७ असार । एनएमबि बैंकले आफ्ना शेयरधनीहरुलाई १५ प्रतिशत बोनस शेयर दिने भएको छ । बैंकले प्रस्ताव गरेको उक्त बोनस शेयर बैंकको एफपिओको लागि आवेदन दिनेहरुले समेत पाउने जनाइएको छ ।
बैंकले एफपिओ बिक्रीबाट १ अर्ब २४ करोड रुपैयाँ चुक्ता पुँजीमा जोड्ने छ । जसबाट बैंकको बैंकको चुक्ता पुँजी ७ अर्ब ६० करोड रुपैयाँ पुग्ने छ । बैंकको हाल चुक्ता पुँजी ६ अर्ब ४६ करोड रुपैयाँ रहेको छ । साथै बैंकले प्रस्ताव गरेको १५ प्रतिशत बोनस शेयर पछि बैंकको चुक्ता पुँजी ८ अर्ब ७४ करोड रुपैयाँ पुग्ने जनाइउको छ ।
बैंकले प्रस्ताव गरेको उक्त बोनस शेयर स्विकृतीको लागि राष्ट्र बैंकमा आवेदन दिएको छ । राष्ट्र बैंकले प्रस्तावित बोनस शेयरको स्विकृती पछि बैंकले साधारण सभामा बोनस शेयरको प्रस्तावलाई पारित गर्ने छ ।
