एनएमबि माइक्रोफाइनान्सले १५० प्रतिशत हकप्रद शेयर निष्कासन गर्ने
काठमाडौं, २७ असार । एनएमबि माइक्रोफाइनान्सको ७४औं संचालक समितिको बैठकले हकप्रद शेयर निष्कासन गर्ने निर्णय गरेको छ । उक्त निर्णय अनुसार माइक्रोफाइनान्सले १ बराबर १.५ अर्थात १५० प्रतिशत हकप्रद शेयर निष्कासन गर्ने भएको छ । हकप्रद शेयर निष्कासनको सुचना माइक्रोफाइनान्सले नेपाल स्टक एक्सचेन्जलाई गराएको छ ।
हकप्रद शेयर पुँजीकरण पछि माइक्रोफाइनान्सको चुक्ता पुँजी ३५ करोड २० लाख रुपैयाँ पुग्ने छ । माइक्रोफाइनान्सको हाल चुक्ता पुँजी १४ करोड ८ लाख रुपैयाँ रहेको छ ।
