अर्थ मन्त्रालयले विपद् व्यवस्थापन कोषमा जम्मा गर्यो एक अर्ब रुपैयाँ
काठमाडौं, ४ मंसिर । मंगलबार अर्थमन्त्रालयले विपद् व्यवस्थापन कोषमा एक अर्ब रुपैयाँ जम्मा गरेको छ ।
गत असोज दोस्रो साता आएको अविरल वर्षा र बाढी–पहिरोका कारण जनधनमा क्षति पुर्याएपछि मन्त्रिपरिषद्ले अर्थ मन्त्रालयबाट विपद् कोषमा सो रकम जम्मा गर्ने निर्णय गरेको थियो ।
विपद् जोखिम न्यूनीकरण तथा व्यवस्थापन ऐन, २०७४ अनुसार कोषमा जम्मा भएको रकम खर्च हुनेछ ।
