नेप्सेमा उच्च अंककाे वृद्धि, उत्पादन तथा प्रसाेधन समुहमा झुम्मिए लगानीकर्ता
काठमाडाैं, १८ फागुन । आइतबार शेयर बजार मापक नेप्से परिसूचक उच्च अङ्कले बढेको छ । आज शेयर बजार परिसूचक नेप्से ७५ दशमलव २४ अङ्कले बढेर २ हजार ८ सय ९० दशमलव २८ विन्दुमा पुगेको छ ।
यस दिन २ करोड ९१ लाख ६६ हजार ६५६ कित्ता सेयर १४ अर्ब २५ करोड ४ लाख ७५ हजारमा कारोबार भएको छ । गत बिहिबार २२ करोड ६१ लाख कित्ता शेयर ११ अर्ब ३९ करोड रुपैयाँमा कारोबार भएकाे थियाे ।
आज कारोबार भएको बजारमा १९६ कम्पनीको सेयर मुल्य बढेको छ भने ४४ वटाको घटेको छ । यस्तै ४ सेयरको मूल्य स्थिर रहेको छ ।
यस दिन हिमालयन डिस्टिलरी लिमिटेड, गार्डियन माइक्रो लाइफ इन्स्योरेन्स लिमिटेड र नेपाल लाइफ इन्स्योरेन्स कम्पनी लिकाे सेयर मूल्यमा सकारात्मक सर्किट लागेको छ भने सिन्धु विकास बैंक लिमिटेड र दोर्दी खोला जल विद्युत कम्पनी लिमिटेडकाे सेयर मुल्य ९.९९ प्रतिशतले बढेको छ ।
आज सर्वाधिक उत्पादन तथा प्रसाेजधन समूह ४.७९ प्रतिशत, जिवन विमा समूह ४.३१ प्रतिशत, फाइनान्स समूह ४.२८ र हाेटल तथा प्रर्यटन समूह ४.१४ प्रतिशतले बढेकाे छ भने म्युचुअल फण्ड समूह १.२७ प्रतिशतले घटेकाे छ ।
यस्तै आज समाज लघुवित्त वित्तीय संस्था लिमिटेडकाे सेयर मूल्यमा नकारात्मक सर्किट लागेकाे छ ।
