पहिरोका कारण नारायणगढ– मुग्लिन सडकखण्ड अवरुद्ध
चितवन ,१९ साउन । नारायणगढ मुग्लिन सडकखण्डमा पहिरो खस्दा सडक अवरुद्ध हुन पुगेको छ । सझ सडक खण्डको घुमाउने भन्ने स्थानमा विहान ६: ३० मा पहिरो झरेपछि सवारी आवागमन पनि ठप्प भएको भने हजारौ यात्री बीच बाटैमा अलपत्र परेका छन् ।
लगातार पानी परेको तथा पहिरो झर्ने क्रम नरोकिएकाले बाटो खुलाउने प्रयासमा समस्या भएको मुग्लिन प्रहरीले जनाएको छ । पहिरो हटाएर बाटो खुलाउन समय लाग्ने भएकाले वैकल्पिक मार्ग प्रयोग गर्न आग्रह गरिएको छ ।
निर्माणाधीन यो सडकखण्डमा पानी परेपछि प्राय पहिरो जाने गरेको छ । ट्राफिक प्रहरीले पहिरोका कारण बाटो अवरुद्ध भएकाले तत्कालका लागि वैकल्पिक मार्ग प्रयोग गर्न आग्रह पनि गरेको छ ।
